OK, først og fremst beklager for at det tok så lang tid. Eg har slitt med ustabilt nett, og har ikkje komme meg på nett lenge nok til å svare skikkelig her.
Det er mange gode poeng som er tatt opp her. Eg skal prøve å svare på alle, men dersom nokon ikkje har fått svar på sine spørsmål må de spørra igjen så skal eg prøve å få gitt svar.
Det virker som om reglane og straffer er det flest lurer på. Som mange veit er reglane våre så godt som direkte oversatt frå .net. Det er to grunnar til dette. Den første er at det er fleire andre versjonar av TW som bruker desse reglane, og eg synes det er greit å vera konsekvent mellom versjonane. Den andre grunnen er at reglane som var her rett og slett ikkje var gode nok. Dei var ikkje klare, dei dekka ikkje alt dei burde dekke, og dei var generelt veldig vanskelig å bruke for ein spelmoderator. I staden for å oppdatere dei litt etter litt ettersom behov oppsto, valgte me (eg og totti) å oversette frå .net, der reglane er utvikla over 3 år, og skal dekke det meste.
Når det gjeldt straff bruker me også retningslinjene frå .net. Det gamle teamet hadde ingen retningslinjer (i alle fall ikkje som var nedskrivne på eit medium eg har tilgang til) for korleis forskjellige regelbrudd skulle straffast. Det eg har hørt frå både tidligare teammedlemmer og spelarar er at det var litt opp til den enkelte spelmoderator kva som var straff i forskjellige tilfeller. Det er absolutt ikkje noko eg vil ha. Det skal vera lik straff for alle som gjer samme regelbrudd, det skal ikkje vera avhengig av humøret til moderatoren, eller om dei kjenner kvarandre osv.
Dersom det hadde vore fungerande regler her då eg overtok, eller i det minste retningslinjer for korleis dei skulle bli håndhevd, hadde eg sannsynligvis fortsatt å bruke dei. Men reglane var ikkje gode nok, og det var ingen retningslinjer for håndheving. Så me valgte å hente frå .net, for å få konsekvent behandling frå begynnelsen av, og ikkje ein ny regel i veka etter kvart som situasjoner oppsto som viste at reglane ikkje var gode nok.
Eg ser også fleire som synes straffane me bruker no er for strenge. Eg meiner dei ikkje er for strenge, men dei er veldig strenge i forhold til det som var her før. Ei kort oversikt over straffane som er i bruk no:
Stygge meldinger og ulovlige scripts (både GM og hurtigmenyskript) gir tidsbestemte utestengelser der kontoen kan bli angripe (attackable).
Å ha fleire kontoar fører til utestengelse for alle kontoane (not attackable), men hovedkontoen blir tilbudt ein poengstraff som står i forhold til størrelsen på kontoen.
Å koordinere mellom kontoar på samme tilkobling (enten kontovakt, multi, eller spelarar som deler) gir poengstraff bestemt av kor mykje koordinering som skjedde (antal ressurser sendt, antal angrep sendt mot samme mål frå samme tilkobling osv).
Å vite passordet til ein annan konto på samme verden gir også poengstraff, men mykje mindre enn dersom ein logger inn på begge kontoane. I det det blir logga inn på kontoen blir det multi, og straffen for det gjeldt.
Eg skal vurdere å innføre attackable utestengelser eller mindre poengstraff for dei regelbrudda som har poengstraff i dag, men med attackable utestengelser er det fare for ulik straff. Nokon blir kanske angripe og mister halvparten av byane sine under utestengelsen, andre blir kanskej ikkje angripe, og det blir ein ferie frå TW for dei. Systemet slik det er no har også ei sikring for spelarane, ettersom dei ikkje kan bli angripe mens dei anker utestengelsen sin, og dersom nye bevis blir introdusert frå spelaren som beviser uskyld blir kontoen låst opp igjen, og det einaste som skjedde var at spelaren ikkje hadde tilgang til kontoen mens anken foregjekk.
Til slutt ein liten kommentar til dei som tenker på å utnytte systemet ved å sende passordet sitt til andre for så å rapportere det. Dersom misbruk av supportsystemet blir oppdaga er det strenge straffer for det.
Eg håper eg har svart på det dei fleste lurer på, men fortsett gjerne tråden med nye spørsmål (eller gjentatte spørsmål dersom eg ikkje har svart, eller ikkje svart tilfredstillande).